Ամերիկուհի Էվելին Փասվալը դատի է տվել Apple-ին` պահանջելով իրեն վճարել մեկ միլիոն ԱՄՆ դոլար այն բանի համար, որ ինքը կոտրել է քիթը՝ ընկերության խանութի անտեսանելի ապակե դռանը բախվելով:
Ինչպես գրում է Mashable-ը, չնայած նրան, որ դռան վրա եղել է նախազգուշացնող ցուցանակ, 83-ամյա ամերիկուհու ընտանիքը փոխհատուցում է պահանջում՝ մեկ միլիոն դոլարի չափով:
Միջադեպը տեղի է ունեցել Նյու Յորքի Apple Store-ում: «Ապակու վրա չեն եղել զգուշացնող պիտակներ, կամ էլ դրանք բավական չեն: Իմ պատվիրատուն 80 տարեկան է: Նա լավ է տեսնում, բայց չի տեսել ապակին»,- հայտարարել է ամերիկուհու փաստաբանը:
«Apple-ը ցանկանում է հզոր, ժամանակակից ընկերություն լինել և ճարտարապետության այնպիսի ձև ունենալ, որը կգրավի բարձր տեխնոլոգիաների սիրահարներին, բայց մյուս կողմից՝ նա պետք է կանխատեսի այն վտանգը, որը այդ բարձր տեխնոլոգիական ժամանակակից ճարտարապետությունը ներկայացնում է որոշ մարդկանց համար», –հավելել է նա:
Պահանջած գումարից 75 հազար դոլարը կծախսվի տուժածի բուժման համար, իսկ մնացածը «թափթփվածության փոխհատուցումն» է:
