Իրանի նախագահ Մահմուդ Ահմադինեժադը, Աֆղանստանի նախագահ Համիդ Քարզայը և Տաջիկստանի նախագահ Էմոմալի Ռահմոնը եռակողմ հինգերորդ գագաթնաժողովի ժամանակ համաձայնագիր են ստորագրել, որով նախատեսվում է համատեղ ճանապարհաշինարարական և երկաթուղային աշխատանքներ իրականացնել, ինչի արդյունքում երեք երկրները կկապվեն իրար:
Նախագահները նաև համաձայնել են միջոցներ ձեռնարկել երեք երկրների էներգետիկ համակարգերի միավորման, ինչպես նաև նավթամուղներ, գազամուղներ և ջրամուղներ կառուցելու վերաբերյալ: Այս մասին հաղորդում է Trend գործակալությունը:
Ահմադինեժադը, Ռահմոնն ու Քարզայը որոշել են ստեղծել համատեղ հանձնաժողով, որը կնախապատրաստի համապատասխան փաստաթղթերը, որոնք կներկայացվեն հաջորդ գագաթնաժողովին: Այն կկայանա երկու ամիս հետո՝ Իրանում:
