Թուրքիան շարունակում է նույն քաղաքականությունը, «Առաջին լրատվական»-ի հետ զրույցում ասաց թուրքագետ Ռուբեն Սաֆրաստյանը`անդրադառնալով Շվեյցարիայի` Թուրքիայի և Հայաստանի միջնորդական առաքելությունը վերականգնելու պատրաստակամությանը:
Նա նշեց, որ եթե ցանկություն կա, պետք է ցանկություն լինի երկու կողմերի միջև: Ըստ նրա` ոչ միայն պետք է միջնորդը ցանկություն հայտնի, այլև Թուրքիան և Հայաստանը: «Ես նախանշան չեմ տեսնում, որ Թուրքիան դիրքորոշումը կփոխի: Պետք է որոշակի դրական մեսիջներ լինեն, բայց նրանք մինչև հիմա շարունակում են նույն քաղաքականությունը, որն արտահայտվեց վերջին տարիներին, և նման պայմաններում նախադրյալ չեմ տեսնում»,- մեկնաբանեց թուրքագետ Ռուբեն Սաֆրաստյանը:
Հիշեցնենք, որ օրեր առաջ Շվեյցարիայի էկոնոմիկայի նախարարը նշել էր, որ կողմերի համաձայնության դեպքում Շվեյցարիան կվերականգնի իր միջնորդական առաքելությունը հայ-թուրքական հարաբերություններում:
