Մարտի 24-ին կայացած Աբխազիայի Ազգային ժողովի ընտրությունների երկրորդ փուլում ընտրվել է 20 պատգամավոր:
Ինչպես հայտնել է Աբխազիայի Կենտրոնական ընտրական հանձնաժողովը, նախնական տվյալների համաձայն՝ նոր խորհրդարանի կազմում կհայտնվեն «Միասնական Աբխազիա» կուսակցության երկու և ընդդիմության երեք ներկայացուցիչներ, իսկ մնացած 15 թեկնածուները առաջադրվել են նախաձեռնող խմբերի կողմից:
Նախնական արդյունքներով՝ խորհրդարանի ներկայիս խոսնակ Նուգզար Աշուբան և փոխխոսնակ Իրինա Ագրբան պարտություն են կրել ընտրությունների երկրորդ փուլում:
Սուխումի ընտրատարածքում, որտեղ ընտրողների մասնակցությունը կազմել էր 25%, կրկնակի ընտրությունները կանցկացվեն մայիսի 6-ին:
Կենտրոնական ընտրական հանձնաժողովի ղեկավար Բատալ Տաբագուայի խոսքերով՝ Աբխազիայի խորհրդարանական ընտրությունների երկրորդ փուլում ընտրողների մասնակցությունը կազմել է 46.21%:
