Սամվել Բաբայանի «Դաշինք» կուսակցության համակիրները վերջին շրջանում համալրում են ԲՀԿ շարքերը: Ըստ նրանց` այդ քայլին գնում են Ս.Բաբայանի հրահանգով: Չի բացառվում, որ 2012թ.-ի ԱԺ ընտրություններում «Դաշինքն» ու ԲՀԿ-ն համագործակցեն: Ասում են, որ կուսակցության առաջնորդները շատ նեղ մակարդակի հանդիպումներում արդեն ակնարկներ են արել: Կապանում արդեն «Դաշինքի» համակիրները դարձել են ԲՀԿ-ական: Գյուղակադեմիայի Կապանի մասնաճյուղի տնօրեն Նաիրա Մովսիսյանը նույնիսկ դարձել է տարածքային խորհրդի անդամ: Վերջինս ցանկություն ունի դառնալու ԲՀԿ առաջնորդը Կապանում, ինչին դեմ են խորհրդի անդամները: Ասում են, որ Գագիկ Ծառուկյանը դեռ հավանություն չի տվել տիկնոջ թեկնածությանը: Նշենք, որ արդեն մեկ տարի է, ինչ ԲՀԿ Կապանի տարածքային խորհրդի նախագահի պաշտոնակատար է Կամո Աբրահամյանը: Իսկ առաջիկայում նախատեսված է տարածքային կազմակերպության կոնֆերանսը, որում էլ կհաստատվի Կ.Աբրահամյանի թեկնածությունը: