Ավելի քան 11 հազար նիգերացի ձկնորսների շահերը ներկայացնող փաստաբանները Լոնդոնի Գերագույն դատարան հայց են ներկայացրել՝ ընդդեմ Royal Dutch Shell-ի: Այս մասին հաղորդում է Agence France-Presse-ը: Ընկերությանը, կապված նավթի արտահոսքի հետ, մեղադրում են շրջակա միջավայրին, մասնավորապես՝ Նիգերի ձկնորսությանը, վնաս հասցնելու մեջ:
Անցած տարվա օգոստոսին Shell-ը խոստովանել էր, որ 2008 թվականին ընկերության մեղքով Նիգերի դելտայի շրջանում տեղի էր ունեցել նավթի երկու արտահոսք: Տեղի ունեցածից ամենից շատ տուժել էր 35 գյուղ, որտեղ ապրում է 49 հազար նիգերացի:
«Հոլլադա» բրիտանական ընկերությունը խոստացել է աղտոտվածության հետքերը վերացնել և փոխհատուցել աֆրիկյան երկրի օրենսդրությանը համապատասխան:
Տուժածների շահերը ներկայացնող փաստաբանական ընկերություններից մեկի` Leigh Day–ի տեղեկացմամբ՝ հոսքը կարող է կազմել մոտ 500 հազար բարել: Shell-ը հավաստիացնում է, որ եթե անգամ արտահոսքը կազմել է 4 հազար բարելից ավել (ըստ ընկերության՝ արտահոսքը 4 հազար բարել է կազմում), ապա մեղավորը բնակիչներն են, ովքեր փորձել են անօրինական կերպով խողովակաշարից նավթ դուրս բերել:
Leigh Day-ը դեռ անցած տարվա ապրիլին Shell-ի դեմ կոլեկտիվ հայց էր ներկայացրել դատարան, սակայն գործընթացը դադարեցվել էր, քանի որ կողմերը բանակցություններ էին սկսել: Անցած շաբաթ բանակցությունները փակուղի են մտել, և փաստաբանները որոշել են գործին ընթացք տալ:
