Թուրքական Cumhuriyet թերթի փոխանցմամբ՝ քուրդ առաջնորդ Աբդուլլահ Օջալանի ազատազրկման ժամանակ «Քրդստանի աշխատավորական» կուսակցության (PKK) փաստացի առաջնորդ Մուրադ Քարայըլանը թուրքական իշխանություններին սպառնացել է պատերազմով.
«Ներկայումս Թուրքիան ու արևմտյան երկրները, մասնավորապես ԱՄՆ-ն ու եվրոպական երկրների մի մասը պատրաստվում են Սիրիայում արտաքին ռազմական միջամտության: Թուրքիան պատրաստվում է նաև Սիրիայում բուֆերային գոտու ձևավորմանը:
Արևմտյան երկրները Սիրիայում միջամտություն կատարելով այլ նպատակներ են հետապնդում, իսկ Թուրքիայի ուշադրության կենտրոնում Սիրիայում գտնվող մեր ժողովուրդն է: Ես բաց հայտարարում եմ, որ եթե թուրքական բանակը հարձակվի Արևմտյան Քրդստանի վրա, ապա ողջ Քրդստանը կվերածվի պատերազմական դաշտի»:
Հիշեցնենք, որ մարտի 8-ին թուրքական մամուլը գրեց, թե Սիրիայի քրդերը հայտարարել են երկրի տարածքում «Արևմտյան Քրդստանի» հռչակման մասին, որի մայրաքաղաքը Աֆրինն է:
