Անցյալ շաբաթ Նիդերլանդների հասարակ քաղաքացին հայտնի դարձավ ամբողջ աշխարհում՝ հայտարարելով, որ թռչել է սովորել: Համացացում տեղադրված տեսանյութում երևում է, որ ոմն Յարնո Սմիթս մեջքին և ձեռքերին ամրացված թևերով օդ է բարձրանում:
Հոլովակը նկարահանվել է Հաագայի քաղաքային այգում: Թռիչքի հեղինակը՝ Յարնո Սմիթսը, բացատրում է, որ թևերը պատրաստել է կոնստրուկտորական բյուրոյի և մի քանի այլ ինստիտուտների հետ համագործակցությամբ:
Այնուամենայնիվ, Սմիթսի թռիչքը կասկածի տեղիք էր տվել մի շարք փորձագետների մեջ և ակտիվ քննարկումներ առաջացրել, իսկ այն ընկերությունները, որոնց հետ, «թևավոր մարդու» խոսքերով, ինքը համագործակցել է, ասել են, որ չեն ճանաչում նման մարդու:
Ի վերջո, «թևավոր մարդը» որոշել է շատ չտանջել հետաքրքրասերներին և հոլանդական հեռուստաընկերություններից մեկին տված հարցազրույցում պատմել է, որ իր իսկական անունը Ֆլորիս Կայկ է, և որ դա եղել է իր երևակայական Human Birdwings ինտերնետ նախագծի մի մասը:
«Human Birdwings-ն ինտերներ-հեքիաթ էր, որում գլխավոր հերոսը՝ Յարնո Սմիթսը, քայլ առ քայլ հասնում է իր երազանքի իրականացմանը՝ թռչել թռչունի նման… Ես ցանկանում էի, որ հանդիսատեսը իրեն զգա գրավիչ այդ փորձի մի մասը»,- պատմել է նա իր պաշտոնական կայքում:
Կայկը նաև պատմել է, որ նախագծի աշխատանքներում իրեն օգնել են մի խումբ պրոֆեսիոնալներ: Աշխատանքները տևել են 8 ամիս:
