Բրազիլիայի քաղաքներից մեկում դպրոցի աշակերտները հագնում են համազգեստներ, որոնց ամրացված են համակարգչային չիփեր, որոնք ծնողներին հնարավորություն են տալիս իմանալ, թե արդյո՞ք իրենց երեխան հաճախում է դասերին, թե՝ ոչ:
The Washington Post-ը գրում է, որ հյուսիսարևելյան Վիտորիա դա Կոնկուիստա քաղաքի կրթության քարտուղարն ասել է, որ քաղաքի հանրային դպրոցներից 25-ի 20000 աշակերտները սկսել են կրել նոր համազգեստներն այս շաբաթ:
Կորիոլանո Մորայեսն ասել է, որ մինչև տարվա վերջը համազգեստները պարտադիր կլինեն բոլոր հանրային դպրոցների բոլոր աշակերտների համար:
Նա ասել է, որ ծնողները տեքստային հաղորդագրությունների միջոցով տեղեկանում են, որ իրենց երեխաները մտնում են դպրոց և զգուշացում են ստանում, եթե երեխան դասերը սկսվելուց 20 րոպե հետո դեռևս դպրոց չի մտել:
Մորայեսն ասել է, որ իրենց քաղաքն առաջինն է Բրազիլիայում և միգուցե ողջ աշխարհում, որ օգտագործում է այս համակարգը:
