Իսլամական Մաղրիբի երկրների «Ալ-Կաիդա» խմբավորման հետ կապված ահաբեկիչներն իրենց վրա են վերցրել Ֆրանսիայի հարավում յոթ մարդկանց սպանությունների պատասխանատվությունը: Այս մասին հաղորդվել է Le Figaro թերթի կայքում:
Ինտերնետում տեղադրված հայտարարության մեջ Ֆրանսիային կոչ է արվում վերանայել մուսուլմանների հանդեպ «թշնամական քաղաքականությունը»: Ինչպես նշել է պարբերականը, «Ջունդ ալ-Խալիֆաթ» կազմակերպության կողմից ստորագրված տեքստը հրապարակվել էր «Ալ-Կաիդա»–ի կայքերից մեկում:
Տեքստում մահացած Մուհամմեդ Մերան, ով Ֆրանսիայի հարավում դարձել է 7 մարդու, այդ թվում՝ նաև երեխաների մահվան պատճառ, անվանվում է «ֆրանսիացի Յուսուֆ»:
Հիշեցնենք, որ Մուհամմեդ Մերան գրոհի հետևանքով սպանվել է մարտի 22-ին՝ Թուլուզի իր բնակարանում:
