ԱՄՆ պետքարտուղար Հիլարի Քլինթոնի՝ սպառազինության և միջազգային անվտանգության հարցերով տեղակալ Ռոուզ Գեթթեմյուլլերը հաջորդ շաբաթ աշխատանքային այցով կմեկնի Մոսկվա: Այս մասին հաղորդում են ռուսական լրատվամիջոցները՝ վկայակոչելով Ռուսաստանում ԱՄՆ դեսպան Մայքլ Մաքֆոլին:
«Կարծում եմ, որ նա կգա մյուս շաբաթ»,- ասել է Մաքֆոլին, որի խոսքերը մեջբերում է Interfax-ը:
Հիշեցնենք, որ Չիկագոյում մայիսի 20-21-ը ակնկալվում է անցկացնել Ռուսաստան-ՆԱՏՕ գագաթնաժողովը, որին Ռուսաստանը հրաժարվում է մասնակցել, քանի դեռ երկու երկրների միջև համաձայնություն ձեռք չի բերվել ՀՀՊ-ի հարցում:
