Հարավային Կորեան փորձում է ի նպաստ իրեն օգտագործել ԿԺԴՀ-ի՝ Երկրի արբանյակ բաց թողնելու հայտարարությունը, որպեսզի վերացնի Փխենյանի և Վաշինգտոնի միջև հետագա երկխոսությունը: Այս մասին ասվում է ԿԺԴՀ-ի հայտարարության մեջ:
Դրանում նշվում է, որ հարավկորեական թերթերը վերջին օրերի ընթացքում միտումնավոր մատնանշում են այն փաստը, որ արբանյակ արձակելու հանգամանքը հակասում է վերջերս ստորագրված ամերիկա-հյուսիսկորեական համաձայնագրին, որը ստորագրվել է Պեկինում, հետևաբար հետագա երկխոսությունն ԱՄՆ-ի և Հյուսիսային Կորեայի միջև ընկնում է մեծ հարցականի տակ:
Նշվում է, որ նման անհիմն հայտարարությունները հանդիսանում են հարավկորեական ռեժիմի կեղծ քարոզչական քաղաքականության հետևանք, որին այս կամ այն քաղաքական տեսանկյունից ձեռնտու չէ ԱՄՆ-ի և ԿԺԴՀ-ի մերձեցումը:
ԿԺԴՀ-ն ներկա պահին սառեցրել է ատոմային զենքի փորձարկումը: Բացի այդ, ներկայումս խոստումնալից քննարկումներ են ընթանում այդ ուսումնասիրությունների օբյեկտներ ՄԱԳԱՏԷ-ի ներկայացուցիչներին հրավիրելու համար: Բայց, ինչպես նշվում է հաղորդագրության մեջ, արբանյակի արձակումը ոչ մի կապ չունի ԱՄՆ-ի հետ ունեցած համաձայնության հետ:
Ըստ հայտարարության` արբանյակը կարձակվի Երկրի շուրջ տարածության հանդեպ բոլոր երկրների խաղաղ նպատակների համար ունեցած իրավունքի համաձայն:
ԿԺԴՀ–ն պաշտոնապես հայտարարել է արբանյակի արձակման մասին: Արբանյակի արձակումը ոչ մի կապ չունի հեռահար հրթիռների փորձարկման հետ: Դա կարվի գիտական նպատակներով:
Արբանյակը կարձակվի ապրիլի 12-16-ն ընկած ժամանակահատվածում:
