Հնդկաստանի առևտրականները կնքել են գործարքներ, ըստ որոնց՝ մարտ-ապրիլ ամիսներին 60000 տոննա շաքարավազ են ուղարկելու Իրան: Այս մասին այսօր հաղորդել են առևտրական երեք աղբյուրներ: Սա երկու երկրների միջև շաքարավազի առաջին վաճառքն է այն բանից հետո, ինչ Արևմուտքը պատժամիջոցներ է ներկայացրել Թեհրանին՝ միջուկային ծրագրի պատճառով:
Reuters-ը հաղորդում է, որ Իրանն արդեն ստացել է առաջին 19800 տոննա շաքարավազը:
Մեկ այլ աղբյուր, հաստատելով գործարքն, ասել է, որ Իրանը կստանա ողջ շաքարավազը մինչև ապրիլ: Հավանականություն կա, որ Իրանը կարող է առավել շատ շաքարավազ գնել Հնդկաստանից, որը Բրազիլիայից հետո աշխարհում շաքարավազի ամենամեծ արտադրողն է:
Աղբյուրը հայտնել է, որ մինչև սեպտեմբեր Իրանը կներկրի 324.000 տոննա շաքարավազ:
