Վրացական «Ռեզոնանսի» թերթի փոխանցմամբ՝ «Ռուսթավի 2» հեռուստաընկերությունը մարտի 27-ից դադարեցնելու է իր ձայնային ազդանշանի հեռարձակումը «Գլոբալ» մալուխային հեռուստատեսությամբ: Վերջինս պատկանում է ընդդիմադիր միլիարդատեր Բիձինա Իվանիշվիլիի եղբորը:
Մարտի 14-ից այդ քայլին գնացել է մեկ այլ կառավարամետ հեռուստաընկերություն՝ «Իմդեի»-ն: Վերջինս հայտարարել է, որ մտադիր է իր հեռարձակումներն իրականացնել այլ ցանցերի միջոցով:
Վրացական ԶԼՄ-ներն այս ամենը կապում են նրա հետ, որ շուտով եթեր է դուրս գալու Բիձինա Իվանիշվիլիի «9-րդ ալիք» հեռուստատեսությունը:
Հիշեցնենք, որ Բիձինա Իվանիշվիլիի «9-րդ ալիք» հեռուստատեսությունն իր հեռարձակումները սկսելու է ապրիլի 1-ից:
