Ուիթնի Հյուսթոնի մահից 1 ամիս անց նրա միակ դստեր՝ 19-ամյա Բոբի Քրիստինա Բրաունի մատին նշանադրության մատանի են տեսել: Խոսակցություններ կան, որ նա նշանվել է իր խորթ եղբոր՝ Նիք Գորդոնի հետ:
Տեղեկությունը հաղորդած աղբյուրներից մեկը people.com-ին պատմել է, որ նրանք իսկապես նշանված են, բայց ընտանիքը փորձում է աղջկան ետ պահել դրանից:
Ըստ մեկ այլ աղբյուրի տեղեկությունների` Նիքը Քրիստինային ամուսնության առաջարկություն է արել 1 շաբաթ առաջ, բայց արդյո՞ք նա ընդունել է՝ աղբյուրը տեղյակ չէ: Միայն մի բան է պարզ, որ տատիկը շատ անհանգստացած է այս ամենի պատճառով: Իսկ Քրիստինան կրում է իր մայրիկին պատկանող մատանին:
Երկու երիտասարդներն էլ ապրում են Հյուսթոնի Ատլանտայի առանձնատանը և տարիներ շարունակ ճանաչում են միմյանց: Ուիթնին երեխային վերցրել է 10 տարի առաջ, բայց օրինական որդեգրման ապացույցներ չկան:
Հիշեցնենք, որ ընդամենը մի քանի օր առաջ այս զույգին տեսել են ձեռք ձեռքի տված քայլելիս և համբուրվելիս:
Ընտանիքի լավագույն ընկերներից մեկն էլ people.com-ին ասել է. «Ես միշտ զգացել եմ, որ նրանց միջև ինչ-որ հետաքրքրություն կա»:
