Այսօր հաղորդվել է, որ Ուսամա Բեն Լադենն Աֆղանստանում և Պակիստանում «Ալ-Կաիդա»–ի գրոհայիններին հրամայել է պայթեցնել ինքնաթիռը, որում ԱՄՆ նախագահ Բարաք Օբաման ու գեներալ Դևիդ Պետրաուսն են եղել:
The telegraph-ը հաղորդում է, որ այս տեղեկությունը բացահայտվել է մի փաստաթղթի միջոցով, որը հայտնաբերվել է այն շինությունից, որտեղ անցած մայիսին սպանվել էր Բեն Լադենը:
Բեն Լադենն իր օգնականին ասել է, որ հարկավոր է կենտրոնանալ Օբամայի վրա, քանի որ առանց նրա Ջո Բայդենը չի կարողանա ոչինչ անել, քանի որ անպատրաստ է նախագահի աշխատանքի համար: Իսկ Պետրաուսի համար, Բեն Լադենն ասել է, որ հարկավոր է նրան սպանել, քանի որ առանց նրա Աֆղանստանում պատերազմի ուղղությունը կփոխվի:
Բեն Լադենը նաև հրամայել է օգտագործել Պակիստանի ահաբեկիչ Իլյաս Քաշմիրին՝ Օբամայի և Պետրաուսի վրա հարձակման համար: Քաշմիրը սպանվել էր ամերիկյան անօդաչու սարքի հարձակման ժամանակ՝ 2011 թվականի հունիսի 2-ին Վազիրիստանի հարավում: