Իրաքի նախկին փոխնախագահ Տարիկ Ալ-Հաշիմին չի հանձնվի կառավարությանը: Այսպիսի հայտարարություն է արել Հյուսիսային Իրաքում քրդական ինքնավարության ղեկավար Մասուդ Բարզանին:
«Տարիկ Ալ-Հաշիմին չի հանձնվի Իրաքի կենտրոնական կառավարությանը: Բացի այդ, Իրաքից դուրս Հաշիմիի դատավարությունը նույնպես անթույլատրելի է»,- ասել է Բարզանին, որի խոսքերը մեջբերում է Al-Jazeera-ն:
Նրա խոսքերով՝ քրդական ինքնավարությունում ապաստան ստացած անձի արտահանձնումը էթիկական չէ:
Հիշեցնենք, որ անցյալ տարվա դեկտեմբերին Իրաքի իշխանությունները երկրի նախկին փոխնախագահ Տարիկ Ալ-Հաշիմիի ձերբակալության հրաման արձակեցին: Հաշիմին կասկածվում է «ահաբեկչական գործողություններին» մասնակցելու մեջ:
