Ռուսաստանում շքեղության շուկայի 45 տոկոսը բաժին է ընկնում ալկոհոլային ըմպելիքներին: Այս մասին մարտի 16-ի իր այսօրվա համարում գրել է «Վեդոմոստին»` հղում անելով McKinsey հետազոտական ընկերության տվյալներին, ըստ որի՝ լյուքս դասի ապրանքների ռուսական շուկան կտրուկ տարբերվում է այլ երկրներից:
Ընդ որում` McKinsey-ն շքեղության առարկաների որոշման համար օգտագործում է Euromonitor մեթոդիկան: Օրինակ, դրա համաձայն` լյուքս դաս ապրանք է համարվում, օրինակ, 1 շիշ օղին, եթե այն թանկ է 70 դոլարից, կամ այլ ալկոհոլային խմիչքը, որը արժե 80 դոլար (1 շշի համար), ժամացույցներն ու ոսկերչաական իրերը, որոնց արժեքը բարձր է 700 դոլարից:
Հետազոտական ընկերությունում հաշվարկել են, որ ռուսական շքեղության շուկայի 36 տոկոսը զբաղեցնում է հագուստը, իսկ ոսկերչական իրերը, ժամացույցները, էլեկտրական սարքերն ու բյուրեղապակուց ապրանքները` ընդամենը 3 տոկոսը:
Համեմատության համար՝ McKinsey-ն նշում է, որ Հնդկաստանում ոսկերչական իրերին, գաջեթներին և ժամացույցներին բաժին է ընկնում շուկայի 76 տոկոսը, Չինաստանին` 76 տոկոսը, իսկ Բրազիլիային` 17 տոկոսը:
Ինչպես նկատում է McKinsey-ն, հաճախ ռուսները նախընտրում են գնել թանկ իրեր արտերկրից, քանի որ Ռուսաստանում շքեղ ապրանքների գները եվրոպական արժեքը գերազանցում են միջինը 15-30 տոկոսով:
2011 թ. ՌԴ-ում շքեղության շուկան աճել է 17 տոկոսով` մինչև 5.3 մլրդ դոլարի: Վերջին 6 տարում տարեկան միջին աճը այս սեգմենտում հասել է 13 տոկոսի:
Անցած տարի համաշխարհային շքեղության շուկան կազմել է 212 մլրդ դոլար:
