Թուրքական Haberler.Com կայքի փոխանցմամբ՝ Թուրքիայի հեռուստա-ռադիոընկերության (TRT) գլխավոր տնօրեն Իբրահիմ Շահինը կանխատեսել է, որ մայիսին Բաքվում կայանալիք «Եվրատեսիլ 2012» միջազգային երաժշտական մրցույթում Թուրքիայի ներկայացուցիչ Ջան Բոնոմոն հաղթելու քիչ շանսեր ունի։
Ի պատասխան այն դիտարկմանի, թե Ջան Բոնոմոյի կատարումը մեծ համբավ է վայելում Եվրոպայում, Շահինը հայտարարել է, որ եթե այս տարի «Եվրատեսիլ 2012»-ը չանցկացվեր Բաքվում, ապա նա կհաղթեր. «Նախորդ տարի այդ մրցույթում հաղթել է թյուրքական պետությունը՝ Ադրբեջանը: Հնարավոր չէ, որ դրանից մեկ տարի անց հաղթանակ շնորհվի թյուրքախոս երկրի՝ Թուրքիային:
Դա պատճառներից մեկն է: Իսկ մյուս պատճառն այն է, որ այս տարի Հայաստանը հրաժարվեց այդ մրցույթին մասնակցելուց: Նախորդ տարվա մեր անհաջողության պատճառն այն է, որ մենք Ադրբեջանի և Հայաստանի հետ նույն խմբում էինք, և մեզ տրվելիք միավորները բաժանվեցին»: