Բրազիլիայի հարավում՝ Սան-Ֆրանսիսկու-դի-Պաուլա քաղաքի քաղաքապետը սկսել է նախապատրաստվել աշխարհի վերջին, որը մայաների օրացույցի համաձայն վրա է հասնելու այս տարվա դեկտեմբերին: Այս մասին հաղորդում է RIA Novosti-ն՝ վկայակոչելով տեղի ԶԼՄ-ները:
Քաղաքապետ Դեսիու Կոլլան աշխարհի վերջին շատ լուրջ է վերաբերվում և կարծում է, որ ծովի մակարդակից 907 մետր բարձրության վրա գտնվող իրենց քաղաքը կարող է կատարյալ պատսպարվելու վայր լինել բոլոր նրանց համար, ովքեր վախենում են ջրհեղեղից, օվկիանոսի ջրերի բարձրացումից և ցունամիի ալիքներից:
Նույնիսկ նրանք, ովքեր չեն հավատում, պետք է պատրաստ լինեն: Տարբեր երկրներում արդեն վաղուց միջոցներ են ձեռնարկվում, ոչ թե մեզ նման»,- ասել է քաղաքապետը՝ խորհուրդ տալով բնակիչներին մշտապես պահել աղի, բրնձի, լոբու և խմելու ջրի բավարար պաշար՝ տարերային աղետի ժամանակ պարենմթերքի մատակարարումների խափանումների դեպքում դիմակայելու համար: «Ես ինքս արդեն պատրաստել եմ իմ տունը և կարող եմ ինքնուրույն այնտեղ ապրել 2-3 ամիս»,- ասել է նա:
