ԱՄՆ պաշտպանության քարտուղար Լեոն Պանետան այսօր ասել է, որ ինքն Աֆղանստանի նախագահին վստահեցրել է, որ 16 աֆղան քաղաքացիներին սպանող զինվորին արդարացիորեն կպատժեն։
Ինչպես հաղորդում է Los Angeles Times-ը, չնայած աֆղան պաշտոնյաների պահանջին, որ զինվորի դատավարությունը տեղի ունենա Աֆղանստանում, նրան տեղափոխել են Կենտրոնական Ասիայից:
Աֆղանստան իր այցի ժամանակ Պանետան հինգշաբթի օրը նախագահ Համիդ Քարզայի հետ ունեցած հանդիպման ժամանակ վերջինիս վստահեցրել է, որ ԱՄՆ–ն ամբողջական հետաքննություն է անցկացնում դեպքի առնչությամբ:
Նման հայտարարությամբ նա նաև հանդես է եկել հանդիպումից հետո տեղի ունեցած մամլո ասուլիսի ժամանակ` հույս ունենալով նվազեցնել սպանությունների պատճառով առաջացած աֆղանների բարկությունը:
