Բրիտանական The Times թերթը հրապարակել է համաշխարհային բուհերի ամենամյա վարկանիշային աղյուսակը:
Times Higher Education վարկանիշային աղյուսակը կազմվել է The Times թերթի առաջարկով՝ Thomson Reuters տեղեկատվական խմբի և հասարական կարծիքի ուսումնասիրման Ipsos Media ծառայության կողմից:
Դրա հիմնական չափանիշներն են կրթական ծառայությունների և հետազոտական ծրագրերի մակարդակը, գիտական հոդվածներում մեջբերվածության աստիճանը, օտարերկրյա ուսանողների և մասնագետների թիվը: Ցուցակը կազմվել է հարցման արդյունքների հիման վրա, որին 2012 թ. ընթացքում մասնակցել է 17,554 գիտնական:
Վարկանիշյաին աղյուսակում նախկինի պես առաջատար դիրքերում են ամերիկյան բուհերը. ցուցակում հայտնվել է 44 ամերիկյան ուսումնական հաստատություն: Երկրորդ տեղը զբաղեցնում են Մեծ Բրիտանիայի բուհերը: Վարկանիշային աղյուսակում առաջին հորիզոնականում գտնվում է Հարվարդի համալսարանը, նրան հաջորդում են Մասաչուսեթսի տեխնոլոգիական ինստիտուտը, Քեմբրիջի համալսարանը, Սթենֆորդի համալսարանը, Բերկլիում Կալիֆոռնիայի համալսարանը և Օքսֆորդի համալսարանը:
Փորձագերները նշել են, որ տարեցտարի այդ աղյուսակում իրենց դիրքերն են ամրապնդում ասիական բուհերը: Մասնավորապես՝ ցուցակուն են հայտնվել 5 ճապոնական, 2 չինական ուսումնական հաստատություն, ինչպես նաև Հոնկոնգի համալսարանը և Թայվանի ու Սինգապուրի Ազգային համալսարանները:
Վարկանիշային աղյուսակի Թոփ-40-ին կարող եք ծանոթանալ այստեղ:
