ԱՄՆ պաշտպանության նախարար Լեոն Պանետայի վրա մահափորձ իրականացրած աֆղան ահաբեկիչը մահացել է ստացած այրվածքներից: Այս մասին հաղորդում է Associated Press-ը՝ վկայակոչելով գեներալ լեյտենանտ Քերտիս Սկապարոտիին:
Հիշեցնենք, երեկ ՆԱՏՕ-ի ռազմաբազայի օդակայանում Պանետայի ինքնաթիռի վայրէջքի ժամանակ թռիչքուղու վրա մեքենա էր պայթեցվել, սակայն ինքնաթիռին որևէ վնաս չէր հասցվել:
Ավելի վաղ ամերիկյան ռազմական գերատեսչության պաշտոնական ներկայացուցիչ Ջորջ Լիթլը հայտարարել էր, որ նախարարի կյանքին ոչ մի վտանգ չի սպառնում: Դեպքի հետևանքով վիրավորվել է կոալիցիայի զորքերի մեկ զինծառայող:
Պանետան Աֆղանստան էր ժամանել նախատեսված երկօրյա այցով:
