ԱՄՆ Իլինոյս նահանգի նախկին ղեկավար Ռոդ Բլագոևիչը դատապարտվել է 14 տարվա ազատազրկման և տեղափոխվել բանտ. նա արդեն տեղափոխվել է քրեակատարողական հիմնարկ: Մինչ բանտ գնալը նա իր տանը մամուլի ասուլիս է հրավիրել` հայտարարելով, որ ամեն ինչ վերջացած չէ:
Հիշեցնենք, որ 2008թ.-ին Բլագոևիչը ձերբակալվել էր կաշառակերության մեղադրանքով. նրան էր վերագրվում Իլինոյս նահանգից սենատորի տեղը վաճառելու փաստը, որն ազատվել էր Բարաք Օբամայի ընտրությունից հետո: Մինչ այդ Սենատում նա ներկայացնում էր հենց այդ նահանգը:
2011թ.-ին նահանգապետը դատապարտվել էր 14 տարվա ազատազրկման, սահմանվել էր նաև 20 հազար դոլարի տուգանք: Ընդհանուր առմամբ Բլագոևիչը մեղավոր էր ճանաչվել 17 կետով: Նա ընդունել էր իր մեղքը և դատարանին խնդրել մեղմել պատիժը:
