Իսրայելական օդուժը կրակը դադարեցնելու համաձայնագրից հետո առաջին անգամ այսօր հաված է հասցրել Գազայի հատվածին՝ ի պատասխան պաղեստինցի զինյալների կողմից իսրայելական տարածքների ռմբակոծության:
Իսրայելը և պաղեստինցի զինյալները երեկ համաձայնության են եկել վերականգնել ոչ ֆորմալ զինադադարը, որի մասին համաձայնություն էր կնքվել Եգիպտոսի հովանու ներքո: Սակայն դրանից հետո երկու կողմերը փոխադարձաբար միմյանց մեղադրել են պայմանավորվածությունը խախտելու մեջ:
Ինչպես հաղորդում է RIA Novosti-ն, վկայակոչելով Իսրայելի Պաշտպանության բանակի մամուլի ծառայությունը, այսօր առավոտյան երկու օդային հարված է հասցվել Գազայի հատվածի հյուսիսային տարածքներին: Պաղեստինի քաղաքացիական պաշտպանության ծառայության տվյալներով՝ դրա հետևանքով խոշոր հրդեհ է բռնկվել, տուժածներ չկան:
Ավելի վաղ հաղորդվում էր, որ Իսրայելի և Գազայի հատվածի զինված խմբավորումների միջև 5 օր տևած փոխռմբակոծության հետևանքով զոհվել է 25, վիրավորվել ավելի քան 80 պաղեստինցի: Իսրայելում վիրավորվել է 5 մարդ:
