Iran News-ի փոխանցմամբ՝ Իրանը մեղադրվել է խոշոր քիբերհարձակում գործելու մեջ, ինչի հետևանքով խափանվել են BBC-ի պարսկական ծառայության աշխատանքները:
Նշվում է, որ BBC-ի պարսկական ծառայության լսարանը շաբաթական կազմում է 7.2 միլիոն մարդ: Դա նշանակում է, որ գրեթե յուրաքանչյուր 10-րդ իրանցին ամեն շաբաթ հետևում է BBC-ի պարսկական ծառայության աշխատանքներին:
BBC News-ի պարսկական ծառայության տնօրեն Մարկ Թոմփսոնը կատարված քիբերհարձակման մեջ մեղադրել է Իրանին: Նա հավելել է, որ քայլեր են ձեռնարկվել նաև Իրանում BBC-ի արբանյակային հեռուստաալիքների աշխատանքը խափանելու և Լոնդոնում կորպորացիայի հեռախոսագծերի նորմալ գործունեությունը խոչընդոտելու ուղղությամբ:
