Սոմալիի մայրաքաղաք Մոգադիշոյում գտնվող նախագահական պալատի տարածքում այսօր պայթյուն է տեղի ունեցել, որին զոհ է գնացել երեք մարդ: Այս մասին հայտնում է Reuters-ը` հղում անելով տեղի ոստիկանությանը և Աֆրիկյան միության ներկայացուցիչ Պեդդի Ակունդային:
Վերջինիս խոսքով` ահաբեկչությունը տեղի է ունեցել Սոմալիի խորհրդարանի խոսնակի տան մոտ, որը գտնվում է նախագահական շենքի համալիրում: Որոշ տվյալների համաձայն` պայթյունն իրականացրել է մահապարտ ահաբեկիչը: Իր հերթին Interfax-ը բերում է տվյալներ, որ համալիրի տարածքում կարող էր աշխատել տեղադրված պայթուցիկ սարքը:
Պայթյունի պատասխանատվությունն իրենց վրա են վերցրել տեղի իսլամիստական «Ալ-Շաբաբ» խմբավորման անդամները: Նրանք պնդում են, որ ռումբը գործի է դրել մահապարտը: