Թմրանյութերի շրջանառության հսկողություն իրականացնող ռուսական և ադրբեջանական հատուկ ծառայությունների համագործակցության արդյունքում առգրավվել է մեկ տոննա աֆղանական հաշիշ, որը նախատեսվել էր Ռուսաստանում իրացնելու համար: Այս մասին Բաքվում հայտարարել է թմրանյութերի շրջանառության հսկողություն իրականացնող Ռուսաստանի դաշնային ծառայության տնօրեն Վիկտոր Իվանովը. «Մեր երկրների խնդիրն այն է, որ Աֆղանստանում արտադրվում է ֆենոմենալ քանակությամբ թմրանյութ: Ադրբեջանի համար մեծ խնդիր է հաշիշը, որը ներկրվում է Իրանի տարածքով: Մենք այս խնդրի լուծման ուղղությամբ մտադիր ենք էլ ավելի ակտիվացնել համագործակցությունն Իրանի հետ»։ Ռուսաստանն ու Ադրբեջանը թմրանյութերի և հոգեմետ դեղերի անօրինական շրջանառության դեմ պայքարում համագործակցության համաձայնագիր են ստորագրել: