Երեքշաբթի հարյուրավոր ուսանողներ Աֆղանստանի Ջալալաբադ քաղաքում անցկացրել են բողոքի ցույց ամերիկացի զինվորի մասնակցությամբ տեղի ունեցած միջադեպի դեմ, որը Կանդահար նահանգում սպանել էր Աֆղանստանի16 խաղաղ քաղաքացիների,- հաղորդում է BBC-ն:
Ուսանողները դուրս են եկել Քաբուլից դեպի Կանդահար տանող մայրուղի և արգելափակել երթևեկությունը: Նրանք կոչ են արել ամերիկացի զինվորին հանձնել դատարան: Նրանց ձեռքին եղել բազմաթիվ հակաամերիկյան գրություններով պաստառներ, ինչպես նաև ԱՄՆ նախագահ Բարաք Օբամայի խրտվիլակը, որը վերջում նախատեսում են այրել:
Հիշեցնենք, որ ողբերգությունը տեղի էր ունեցել կիրակի առավոտյան Կանդահար նահանգում: Ըստ ԶԼՄ-ների՝ ամերիկացին դուրս է եկել ռազմաբազայից և ներխուժելով խաղաղ բնակիչների տները՝ գնդակահարել նրանց:
Զոհվել է 16 մարդ: Աֆղանստանի նախագահ Համիդ Քարզայը հայտարարել է, որ զոհվածների թվում են 9 երեխա և 3 կին: