Լարի Քինգն ուշադրության կենտրոնից դուրս չի մնա։
Celebritycicuit-ը հաղորդում է, որ աշխարհի ամենահարուստ տղամարդու կողմից թողարկվող ծրագիրը հետ կվերադարձնի հեռուստատեսության վետերանին:
Քինգը Ora.TV-ի եթերում այս տարի ավելի ուշ պատրաստվում է վարել ամենօրյա թոք–շոու: Այս նոր ծրագիրը, որին աջակցում է հաղորդակցման միջոցներով զբաղվող մեքսիկացի միլիարդատեր Կարլոս Սլիմը, կներկայացնի հաղորդումներ, որոնք հնարավոր կլինի դիտել պլանշետներով, բջջային հեռախոսներով, համակարգիչներով և ինտերնետի հետ կապված հեռուստացույցներով:
Հենց անցած շաբաթ Սլիմը Forbes-ի կողմից ճանաչվել էր, որպես աշխարհի ամենահարուստ տղամարդ:
78-ամյա հաղորդավարը CNN-ի եթերում հարցազրույցներ է վարել 25 տարի շարունակ: Նա թոշակի էր անցել 2010 թվականին: Իսկ անցած տարի Քինգը CNN-ի համար 4 հատուկ թողարկումներ էր պատրաստել, բայց հեռուստատեսությունը հաղորդել էր, որ իրենք և Քինգը համաձայնել են չշարունակել թողարկումների հեռարձակումը:
