ՀՀԿ համագումարում Սերժ Սարգսյանի ելույթը զուտ գովեստ էր անսխալականության մասին: «Առաջին լրատվական»-ի հետ զրույցում նման տեսակետ հայտնեց «Նոր ժամանակներ» կուսակցության նախագահ Արամ Կարապետյանը:
«Իմ կարծիքով՝ ՀՀԿ ղեկավարի ելույթը պետք է ծրագրային լիներ: Բայց ես որևէ նոր, կառուցողական բան այդ ելույթում չլսեցի: Շատ հետաքրքիր էր, որ Սերժ Սարգսյանն իրեն համեմատում էր իր իսկ հետ՝ նախագահության և խորհրդարանում եղած ժամանակահատվածներում: ՀՀԿ համագումարի ընթացքում հնչած Սերժ Սարգսյանի ելույթն ամբողջությամբ էժանագին պոպուլիզմ էր, և նա, հասկանալով, որ որևէ բան չի կարող փոխել, ավելի շատ իր ցանկություններն ասաց, ինչն ամբողջությամբ պոպուլիզմ էր: Ասել «Հավատանք և փոխենք», շատ ճիշտ է, բայց հարցն էլ այն է, որ ոչ հավատում են, ոչ էլ փոխում: Հավատալու համար պետք է ինչ-որ բան կատարվի: Չգիտեմ՝ Սերժ Սարգսյանն այս խոսքերն իրե՞ն, դիմացիններին, դահլիճին, թե՞ ժողովրդին էր ուղղում»,- հարց հնցեցրեց Արամ Կարապետյանը:
