Մոսկվայի քաղաքապետարանում հնարավոր են համարում «Հավաքների, միտինգների, ցույցերի, երթերի ու պիկետների մասին» դաշնային օրենքում փոփոխություններ մտցնելը: Այս մասին հայտնում է Interfax գործակալությունը` հղում անելով քաղաքային ադմինիստրացիայի բաձրաստիճան աղբյուրին:
«Հնարավոր է` եկել է ժամանակը մտածելու այն բանի շուրջ, որ փոփոխություններ կատարվեն դաշնային 54-րդ օրենքում («Հավաքների, միտինգների, ցույցերի, երթերի ու պիկետների մասին» օրենք)», քանի որ, ինչպես ցույւց է տալիս ժամանակը, փաստաթուղթն անկատար է»,- հայտարարել է պաշտոնյան գործակալության հետ զրույցում:
Interfax-ի զրուցակիցը պնդում է, որ բազմահազարանոց ցույցերն ու ակցիաները, որ վերջին երեք օրերին տեղի են ունենում Մոսկվայում, հարուցել են այն քաղաքացիների դժգոհությունը, ովքեր չեն մասնակցել դրանց:
«Ցույցերն ու երթերը, որոնք տեղի են ունենում մայրաքաղաքի կենտրոնում, խանգարում են քաղաքի բնանակոն կյանքի ընթացքին, խաթարում են քաղաքային տրանսպորտի երթևեկությունը, դրա հետևանքով տուժում է քաղաքային տնետսությունը»,- ասել է նա:
