Սիրիական ընդդիմությունը չի կարող Սիրիայի ժողովրդի շահերի օրինական ներկայացուցիչը լինել։ Ուրբաթ օրը հայտարարել է Արաբական երկրների լիգայի գլխավոր քարտուղարի տեղակալ Ահմեդ Բեն Խելին:
«Մենք դեռ ընդհանուր որոշում չենք կայացրել ընդդիմադիր որևէ կազմակերպությանը որպես սիրիացի ժողովրդի ներկայացուցիչ ճանաչելու հարցում: Նման որոշում չկա»,- ասել է Բեն Խելին՝ եգիպտական հեռուստատեսության «Առաջին ալիք»–ի եթերում:
Նրա խոսքերով՝ Սիրիայում տեղի ունեցող իրադարձությունները դեռ չի կարելի «քաղաքացիական պատերազմ» անվանել: «Սիրիական իշխանությունները և ընդդիմությունն` ինչպես զինված, այնպես էլ անզեն, դեռ պահպանում են բանակցությունների սեղանի շուրջ նստելու հնարավորությունը, որ ընդունեն ճակատագրական որոշումներ՝ հանուն Սիրիայի, որպեսզի այս ճգնաժամը չվերածվի քաղաքացիական պատերազմի»,- ասել է նա: Հակառակ դեպքում, եգիպտացի դիվանագետի կարծիքով, «Սիրիայի միասնության հարցը սպառնալիքի տակ է»:
