ԱՄՆ-ի կողմից Համաշխարհային բանկի նախագահի պաշտոնում առաջարկվող թեկնածուների ցուցակում են հայտնվել Pepsi ընկերության գլխավոր տնօրեն Ինդրա Նուույիի, ՄԱԿ-ում ԱՄՆ դեսպան Սյուզան Ռայսի, ԱՄՆ նախագահին կից տնտեսական խորհրդի նախկին ղեկավար Լարի Սամերսի և ԱՄՆ Սենատի միջազգային հարաբերությունների հանձնաժողովի ղեկավար Ջոն Քերրիի անունները: Այս մասին հաղորդում է Reuters գործակալությունը` հղում կատարելով Սպիտակ տան իր աղբյուրներին:
Հիշեցնենք, որ այս պաշտոնին ավանդաբար նշանակվում է ԱՄՆ ներկայացուցիչը, իսկ Արժույթի միջազգային հիմնադրամում` Եվրոպայի:
Ջոն Քերրին, ով 2004թ.-ի նախագահական ընտրություններում Ջորջ Բուշի հիմնական մրցակիցն էր, իր ներկայացուցչի միջոցով հայտարարել է, որ հետաքրքրված չէ այս աշխատանքով:
Նշվում է նաև, որ այս պաշտոնում Pepsi-ի ղեկավարի պաշտոնը կարող է փոխզիջումային լինել, քանի որ Ինդրու Նուույին ծնվել է Հնդկաստանում, և BRICS-ի երկրները կընդունեն այն: