ИТАР-ТАСС-ի փոխանցմամբ՝ ԱՄՆ նախագահ Բարաք Օբաման երեկ Սպիտակ տանը տեղի ունեցած մամլո ասուլիսի ժամանակ հայտարարել է, որ առաջիկա ամիսներին Իրանի նկատմամբ սահմանված պատժամիջոցներն ավելի կխստացվեն: Դրա հետ մեկտեղ նա հասկացնել է տվել, որ Իրանի միջուկային ծրագրի խնդիրը պետք է լուծվի դիվանագիտական և ոչ թե ռազմական ճանապարհով:
Իրանին Իսրայելի կողմից հարված հասցնելու հետ կապված՝ Օբաման հայտարարել է, որ Իսրայելն ինքնիշխան պետություն է, որն ինքնուրույն է որոշում, թե ինչպես ավելի լավ ապահովի սեփական անվտանգությունը: Ըստ՝ Օբամայի Իրանի դեմ միջազգային հանրության սահմանած պատժամիջոցներն արդեն իսկ լուրջ ազդեցություն են թողնում Իրանի վրա, և եթե վերջինս չփոխի իր դիրքորոշումը, ապա առաջիկա ամիսներին ավելի կխստացվեն այդ պատժամիջոցները: