Իսրայելի վարչապետ Բենիամին Նեթանյահուն ԱՄՆ նախագահ Բարաք Օբամային վստահեցրել է, որ Իսրայելը դեռևս որոշում չի կայացրել Իրանի միջուկային օբյեկտների վրա հարձակում գործելու վերաբերյալ: Սակայն, ինչպես հաղորդում են բանակցություններին մոտ աղբյուրները, Իսրայելի վարչապետը ոչ մի կերպ ետ չի կանգնել նաև ռազմական հավանական գործողություններից:
Ինչպես հաղորդում է Reuters-ը, բանակցությունների ընթացքում երկու ղեկավարները համաձայնության են եկել այն հարցում, որ ուշադրության կենտրոնում պետք է պահել խնդիրը, սակայն նրանց տարբերությունը Իրանի` միջուկային զենք ձեռք բերելը կանխելուն ուղղված որոշումների մոտեցումների մեջ է:
Չնայած Նեթանյահուն և Օբաման փորձել էին երկուշաբթի օրը տեղի ունեցած բանակցությունների ժամանակ պահպանել հարգանքի մթնոլորտը, սակայն Իսրայելը բանակցությունների ավարտին, այնուամենայնիվ, ասել է. «Իսրայելն է իր ճակատագրի տերը»:
