Պատմության մեջ առաջին անգամ տղամարդ ֆուտբոլիստներն իրականում կցանկանան, որ օդանավակայանում իրենց անձնագրերը ստուգեն մինչ 2012 թվականի Եվրոպայի առաջնության խաղերը:
The Daily Mail-ը գրում է, որ Ուկրաինայի Borispol օդանավակայանում անձնագրեր ստուգող անձնակազմն ընդհանրապես չի համապատասխանում խիստ դեմքերով պահակային խմբի կարծրատիպին, այլ բաղկացած է գեղեցիկ կանանցից, ովքեր հիանալի շպարով ու սանրվածքով են:
Նրանցից յուրաքանչյուրին մինչ աշխատանքի անցնելը հատուկ ուշադրությամբ և մասնագետների օգնությամբ շպարում են, և թվում է, թե նրանք պատրաստվում են լուսանկարվել նորաձևության ամսագրի համար, այլ ոչ թե օդանավակայանում անձնագրեր ստուգել:
Սա միգուցե բացատրվում է նրանով, որ Ուկրաինան ցանկանում է հիանալիորեն ներկայանալ ֆուտբոլի Եվրոպայի առաջնությանը, որը կկայանա այս ամառ: Այսպիսով կառավարությունը որոշել է խաղացողներին և երկրպագուներին ողջունել այնպես, որ նրանք սկսեն իրենց այցելությունը վայելել ինքնաթիռից իջնելու առաջին իսկ պահից:
