Սիրիայի հարավում` Հորդանանին սահմանակից տարածքներում, երեկ տեղի են ունեցել կատաղի բախումներ Սիրիայի բանակի և զինված ապստամբների միջև: Ընդդիմադիր ակտիվիստների տեղեկություններով` ներկայիս իշխանությունների հակառակորդները մի քանի հարձակումներ են գործել Դարաա քաղաքում գտնվող զինվորական անցակետերի վրա: Այս մասին հաղորդում է «Ազատություն» ռադիոկայանը:
Reuters գործակալության հաղորդմամբ, որը նույնպես հղում է կատարում ապստամբներին, հարձակման են ենթարկվել քաղաքի փողոցներում գտնվող զինվորականները: Զինվորականները պատասխան կրակ են բացել բնակելի թաղամասերի ուղղությամբ:
Որոշ տեղեկություններով` ապստամբներն ուժեղացրել են ճնշումները Սիրիայի ողջ տարածքում, որպեսզի զինվորականներին ետ մղեն Հոմսում իրականացվող օպերացիայից: