Իրաքի ներքին գործերի նախարարությունն այսօր հայտնել է, որ իրենք խնդրել են քուրդ իշխանություններին ձերբակալել սունի փոխնախագահ Տարեք Ալ-Հաշեմիին, քանի որ նա ծրագրում է փախչել երկրից:
AFP-ն հաղորդում է, որ Հաշեմին, ով Iraqiya դաշինքի անդամ է, մեղադրվում է Բաղդադում սպանություններ իրականացնելու մեջ: Նա դեկտեմբերին փախել էր քրդական մի անանուն տարածք, բայց այնտեղի իշխանությունները մերժել էին նրան հանձնել Իրաքին:
Հայտարարության մեջ ասվում է, որ երկրի ՆԳՆ–ն խնդրել է Քուրդիստանի շրջանային իշխանություններին ձերբակալել փոխնախագահին և նրան հանձնել արդարադատությանը:
Հայտարարության մեջ նաև ասվում է, որ նախարարությունը հստակ տեղեկություններ ունի այն մասին, որ Հաշեմին նպատակ ունի փախչել երկրից: