Իրանի Արևելյան Ադրբեջան շրջանը բարելավում է հարաբերությունները Վրաստանի հետ՝ գյուղատնտեսության ոլորտում: Ինչպես հաղորդում է IRNA գործակալությունը, այս մասին հայտարարել է Արևելյան Ադրբեջանի «Գյուղատնտեսական ջիհադ» կազմակերպության ղեկավար Մասուդ Մուհամմադիանը՝ Վրաստանի առևտրային պատվիրակության հետ հանդիպման ժամանակ:
Նիստի ընթացքում Մուհամմադիանը հայտարարել է, որ Արևելյան Ադրբեջանը, ունենալով մեծ պոտենցիալ գյուղատնտեսական ոլորտում, կարող է համագործակցել այլ երկրների հետ: Նրա խոսքերով՝ ամեն տարի այստեղ 4միլիոն 900 հազար տոննա գյուղատնտեսական մթերքներ են արտադրվում, որի50 տոկոսն ապահովում է երկրի ներքին պահանջները, իսկ մնացած մասն արտահանվում է այլ երկրներ, ինչպես օրինակ՝ Վրաստան:
Իրանական կողմն իր հերթին պատրաստակամություն է հայտնել Վրաստանին տրամադրել անասունների համար դեղորայքներ:
