Ինչպես IPN գործակալությանը հայտնել է ռուս ընդդիմադիրների առաջնորդ Բորիս Նեմցովը, իրենք մինչև վերջ կպայքարեն «սրիկաների և գողերի կուսակցության դեմ»:
«Մենք գիտենք, որ այդ պայքարը հեշտ չի լինի, բայց այն կավարտվի մարտի հինգին` ընտրությունների հաջորդ օրը: Որպեսզի երկիրն ազատվի կաշառակեր պաշտոնյաներից և քաղաքակիրթ կերպով զարգանա, մենք չենք հրաժարվի մեր նախագծերից»,- նշել է Նեմցովը:
Նրա խոսքերով՝ վաղը Մոսկվայում և Ռուսաստանի այլ քաղաքներում կկայանան բազմահազարանոց բողոքի ցույցեր: «Մարդիկ դուրս կգան փողոցներ: Մենք տեղեկատվություն ունենք այն մասին, որ իշխանությունները սադրանքներ են պատրաստում: Պուտինի կողմից խոստացված սադրանքները սպառանալիքներ են պարունակում, բայց մենք չենք վախենում: Ժողովրդին ահաբեկելու և բողոքի ալիքը նվազեցնելու համար Կրեմլը Մոսկվա է բերել չեչենական ստորաբաժանումներ: Բացառված չէ, որ իշխանությունների հրամանով իրավապահ մարմիններն ուժ կիրառեն խաղաղ ցուցարարների դեմ»,- հայտարարել է Նեմցովը:
Նա նաև հավելել է, որ իրենք հույս ունեն խաղաղ ցույցերի միջոցով ազատվել Պուտինից և նրա կլանից: