Սիրիական իշխանությունները, անվտանգության նկատառումներից ելնելով, թույլ չեն տվել «Կարմիր խաչ»-ի անդամներին մտնել Հոմսի շրջափակված թաղամաս, որը վերածվել է ընդդիմադիր ուժերի և կառավարական զորքերի բախումների կիզակետի:
Այս մասին հայտնում է Reuters գործակալությունը:
Սիրիական «Կամիր մահիկ»-ի անձնակազմը և
ԿԽՄԿ անդամները շաբաթ առավոտյան մոտեցել էին
Բաբ Ամրո թաղամասին, սակայն իշխանությունների
հետ բանակցությունները ապարդյուն անցան:
Ավելի վաղ «Կարմիր խաչ»-ը հայտարարել էր, որ
սիրիական իշխանությունները
«կանաչ լույս» են վառել նախաձեռնությունն
իրականացնելու համար:
«ԿԽՄԿ-ն և սիրիական «Կարմիր մահիկ»-ը չեն մտել
Բաբ Ամրո: Մենք շարունակում ենք բանակցություններ
վարել իշխանությունների հետ, որպեսզի օգնենք ավելի
շատ թվով մարդկանց»,- Ժնևում հայտարարել է ԿԽՄԿ
ներկայացուցիչը:
