Բելգիական Մոնս քաղաքում ուրբաթ երեկոյան հայտնի են դարձել սիրո մասին ֆիլմերի 28-րդ միջազգային կինոփառատոնի հաղթող ֆիլմերի անվանումները: Այս մասին հայտնում է ITAR TASS գործակալությունը:
Կինոփառատոնում ռուս ռեժիսոր Իգոր Վոլոշինի «Բեդվին» ֆիլմը արժանացել է ժյուրիի մրցանակին`բյուրեղապակյա սրտի: «Կնոջ լավագույն դերակատար» անվանակարգում հաղթող է ճանաչվել ռուս դերասանուհի Օլգա Սիմոնովան` «Բեդվին» ֆիլմի գլխավոր դերակատարուհին:
Փառատոնի գրան պրիին է արժանացել ֆինն ռեժիսոր Զայդա Բերգրոտի «Լավ տղա» ֆիլմը: «Լավագույն տղամարդու դերակատար» անվանակարգում ժյուրիի անդամները` պրոդյուսեր Մահմադ-Սալեհ Հարունի գլխավորությամբ, լավագույն են ճանաչել դերասան Սամուլի Նիտիմյակիին («Լավ տղա»):
«Լավագույն սցենար» անվանակարգում հաղթել է Ռոլանդ Էդզարդի ֆրանս-ավստրիական «Լռության վերջը» ֆիլմը:
Մրցանակների համար պայքարում էին աշխարհի տարբեր երկրների ֆիլմեր:
