Ադրբեջանն այս տարի սկսելու է T-55 տանկի շասիի հիման վրա նոր զրահամեքենայի արտադրություն: APA գործակալության ռազմական աղբյուրների հաղորդմամբ, արդեն ավարտվում են իսրայելական և երկու թուրքական ընկերությունների հետ բանակցությունները, որոնց արդյունքում ադրբեջանական բանակի կազմում չգտնվող T-55 տանկերի հիման վրա ստեղծվելու են զրահատեխնիկայի նոր տեսակներ: Դրանց փորձարկումից հետո պարզ կդառնա, թե կոնկրետ որ մոդելն է տրվելու արտադրության: Ներկայումս հատուկ այդ նպատակի համար ռազմական գործարաններից մեկում արտադրական ենթակառուցվածքների փոփոխություններ են իրականացվում: Նախնական փուլում նախատեսվում է արտադրել բարձր մանևրայնության զրահամեքենա, մեխանիկական կամուրջներ, ինչպես նաև ականազերծող զրահամեքենաներ:
