«Հրապարակ»-ը գրում է, որ թեև ՀՀԿ-ն ու ԲՀԿ-ն փորձում Են համերաշխությամբ մեջ-մեջ անել մեծամասնական ընտրատարածքները, սակայն որոշ տարածքներում չեն կարողանում «բարիշել»:
«Այսպիսին է իրավիճակը թիվ 3 ընտրատարածքում (Քանաքեռ-Զեյթուն): Այստեղ շարունակում է շրջանառվել ԲՀԿ-ական Աշոտ Տոնոյանի՝ Տոնոսի Աշոտի թեկնածությունը, սակայն, մեզ հասած տեղեկություններով, ՀՀԿ-ում արդեն պլանավորել են, որ այնտեղից անպայման առաջադրվելու է ԴԱՀԿ պետ Միհրան Պողոսյանին պատկանող «Քեթրիև» ընկերության տնօրեն Արթուր Ստեփանյանը»,- ապա թերթը հավելում է.
«Ի դեպ, լուրեր են շրջանառվում, որ իշխանությունը Միհրանին տեսնում է Պետեկամուտների կոմիտեի նախագահի պաշտոնում: Եվ պատահական չեն համարում այն, որ Միհրան Պողոսյանին Սերժ Սարգսյանն օրերս գեներալի կոչում շնորհեց»:
