ԱՄՆ պետքարտուղարության պաշտոնական ներկայացուցիչ Վիկտորյա Նյուլանդը երեկ կրկին մեղադրել է Ռուսաստանին` Սիրիային զենք մատակարարելու և «կրակի մեջ բենզին լցնելու համար»: Այս մասին հաղորդում է RIA-Novosti գործակալությունը:
«Ինչպես դուք գիտեք, ԱՄՆ-ը երբեք զենք չի վաճառել Սիրիային: ԱՄՆ-ը կոչ է անում Ռուսաստանին գնահատել նման վաճառքների խելամիտ լինելու հանգամանքը, հատկապես վերջին ճգնաժամից և Հոմսի վրա կատարված հարձակումից հետո: Մենք ռուսական կողմին հայտարարում ենք այն դերակատարության վտանգավորության մասին, որը նրանք ստանձնել են` կրակի մեջ բենզին լցնելով»,- ասել է Նյուլանդը:
Նա դրական է գնահատել Սիրիայի հարցով Ռուսաստանի վերջին դիտարկումները, երբ ռուսական կողմը քննադատել է այն հումանիտար իրավիճակը, որն այսօր գոյություն ունի Սիրիայի որոշ շրջաններում:
