Այսօր «Առաջին լրատվական»-ի խմբագրություն էր զանգահարել մի բնակիչ, որն անհանգստացած էր և ուզում էր իմանալ, թե ինչո՞ւ կոմունալ վճարումներ կատարելիս իրենց ՀԴՄ կտրոններ չեն տալիս: «Առաջին լրատվականը» փորձեց Կենտրոն համայնքի Կենտրոն մեկ համատիրության նախագահ Սուրեն Ներսիսյանից պարզել, թե ինչո՞ւ բնակիչներին ՀԴՄ կտրոններ չեն տրվում. «Համատիրությունները ոչ առևտրային կազմակերպություններ են, որոնք ՀԴՄ կտրոններով չեն աշխատում: Համատիրություններն աշխատում են պարզեցված հարկով և պարտադիր նորմերի վճարումների դիմաց բնակիչներին տրվում են հատուկ կտրոններ: Նրանց անհանգստությունը տեղին չէ»:
Պետական եկամուտների կոմիտեի տեղեկատվության և հասարակայնության հետ կապերի բաժնի աշխատակիցը մեզ հետ զրույցում նշեց, որ «ՀԴՄ-ի մասին» օրենքում ասվում է, որ եթե վճարումը հավաստող փաստաթուղթ է տրվում, ապա ՀԴՄ կտրոն չի տրամադրվում, և քաղաքացիների դժգոհություններն անհիմն են:
