ИТАР-ТАСС-ի փոխանցմամբ` Պակիստանի ռազմաօդային ուժերը ստացել են F-16 տիպի 3 կործանիչներից բաղկացած խմբաքանակը, որոնք վերանորոգվել և արդիականացվել են Անկարայում գտնվող Turkish Aerospace Industries-ի (TAI) գործարանում:
Նշվում է, որ պակիստանյան ռազմաօդային ուժերի և TAI-ի միջև 1982-1983 թվականներին շահագործման հանձնված F-16 տիպի կործանիչների վերանորոգման ու արդիականացման մասին համաձայնագիրը ստորագրվել է 2010 թվականի հոկտեմբերին:
Համաձայնագրով նախատեսված է, որ թուրքական կողմը պարտավորվում է արդիականացնել F-16 տիպի 42 կործանիչ: Թուրքիան այդ ամենը պետք է իրականացնի 2010 թվականի հոկտեմբերին հաջորդած 46 ամիսների ընթացքում: Գործարքի ընդհանուր արժեքը կազմում է 75 միլիոն դոլար:
Թուրքիայում Պակիստանի ռազմաօդային ուժերի զինված ուժերին պատկանող F-16 կործանիչների արդիականացման գործընթացը պետք է ավարտվի 2014 թվականի սեպտեմբերին:
