Նոր հետազոտության արդյունքում պարզվել է, որ սթրեսը կարող է օգնել տեսնել բարդ իրադրության դրական կողմը, բայց գիտնականներն ասում են, որ դա ոչ միշտ է օգտակար առողջութան համար:
Daily Mail-ը գրում է, որ Հարավային Կալիֆոռնիայի համալսարանի գիտնականները պարզել են, որ սթրեսային իրավիճակում հայտնված մարդիկ կենտրոնանում են դրական արդյունքների վրա, բայց այդ կերպ անտեսում են վտանգավոր հետևանքները:
Ինչպես, օրինակ, աշխատավայրում մարդը պատրաստ է չափազանց երկար աշխատել` մտածելով բարձր աշխատավարձի մասին, բայց անտեսելով առողջական խնդիրները, որ կարող են առաջանալ այդքան աշխատելու հետևանքով: Դա է պատճառը, որ սթրեսը մարդկանց դարձնում է ավելի խոցելի:
Մառա Մաթհերն ասում է, որ մարդիկ սթրեսի մասին հիմնականում մտածում են բացասական տեսանկյունից, սակայն հետազոտութունը ցույց է տալիս, որ այդ ընթացքում անձն ավելի կենտրոնացած է լինում դրական արդյունքների վրա:
Հետազոտությունը կարող է ցույց տալ, թե ինչու սթրեսով լի աշխատանք ունեցող մարդիկ առավել հեշտ են կախվածություն ձեռք բերում տարբեր բաներից: Մարդիկ կարող են թմրամիջոց օգտագործելու «դրական» կողմերը տեսնել և անտեսել դրա հետ կապված վտանգները:
