Գոր Վերբինսկին` «Կարիբյան ծովի ծովահենները» ֆիլմի ստեղծողն ու Օսկարակիր «Ռանգո» մուլտֆիլմի հեղինակը, Նյու Մեքսիկո նահանգում ձեռնամուխ է եղել «Միայնակ ռենջերի» (The Lone Ranger) նկարահանումներին: Այս մասին նշված է Disney ընկերության հաղորդագրությունում:
«Միայնակ ռենջերը» պատմություն է հնդիկ ռազմիկ Տոնտոյի մասին: Ռենջերի պատմությունը մի քանի էկրանավորում է ապրել: Այս անգամ Գորի ֆիլմում հնդիկին կմարմնավորի հոլիվուդյան դերասան Ջոնի Դեփը, ռենջերին` Արմի Համերը:
Նախատեսված է, որ ֆիլմը էկրան կբարձրանա 2012 թ. Սուրբծննդյան արձակուրդներին, թեև 2011 թ. օգոստոսին Disney-ը պատրաստվում էր փակել նախագիծը՝ դրա չափազանց ծախսատար լինելու պատճառով: Դրա հետևանքով ֆիլմի պրոդյուսեր Ջերի Բրուքհայմերը ֆիլմի բյուջեն կրճատեց 250-ից 215 մլն դոլարի: Ջոնի Դեփն ու Վերբինսկին նույնիսկ համաձայնեցին «սոլիդ հոնորարների»:
Ժապավենում հանդիսատեսը կարող է ականատես լինել Ելենա Բոնեմ Քարտերի ու Թոմ Վիլկինսոնի խաղին: Նկարահանումներին հարմար վայրեր են ընտրվել Կոլորադոն ու Նյու Մեքսիկոն: